ގަބުޅި ބޯކިބާ ތައްޔާރުކުރާނެ ގޮތް

ލިޔުނީ : އިޒްޙާން ޢަބްދުލްމަތީން / ގްރޭޑް 10

ބޭނުންވާ ތަކެތި:

1. 3 ގަބުޅި (ރަނގަޅީ ޅަ ގަބުޅި)
2. 1 ދަޅު ގެރިކިރު
3. 2 ކުކުޅުބިސް
4. ½ ލާހި ހަކުރު
5. 1 ލާހި ފުއް
6. ¼ ސައި ސަމުސާ އެސެންސު (ރަނގަޅީ ވެނީލާ އެސެންސު)
7. ގަބުޅި ފެން

ތައްޔާރުކުރާނެ ގޮތް:

• ގަބުޅިތައް ހެހި، ބިނުމަށްފަހު ގާނާލާށެވެ.
• އެއަށްފަހު ބޮޑު ބޯ ތައްޓަކަށް 2 ކުކުޅު ބިސް ތެޅުމަށްފަހު ލާށެވެ.
• އަދި އެއަށް ހަކުރު ކޮޅު އަޅާލުމަށްފަހު ހަކުރުކޮޅު ވިރެންދެން ގިރާށެވެ.
• ހަކުރުކޮޅު ރަނގަޅަށް ގިރުމުން އޭގެތެރެއަށް ގެރިކިރު ދަޅު އަޅައި އަނެއްކާވެސް ރަނގަޅަށް ގިރާލާށެވެ.
• އެއަށްފަހު ގަބުޅިކޮޅު އަޅައި ރަނގަޅަށް އެއްކޮށްލާށެވެ.
• ދެން ފުށްކޮޅު އަޅައި އަނެއްކާވެސް އެއްކޮށްލާށެވެ.
• މިހާރު ގަބުޅި ބޯކިބާ ފުށްގަނޑު ހުންނަންވާނީ ތަންކޮޅެއް އޮލަ/ހިކި ކޮނެވެ.
• އެހެންވެ އޮލަމިން ހެޔޮވަރު ކޮށްލުމަށް ގަބުޅި ފެންފޮދެއް އަޅާށެވެ. އޮލަމިން ބަހައްޓާނީ މާ އޮލަ ނޫން އަދި މާ ދިޔާ ނޫން މިންވަރަކަށެވެ.
• ދެން އެސެންސު ކޮޅު އަޅައި ރަހަ ހެޔޮވަރު ތޯ ބަލާލާށެވެ.
• އަދި ތަވާއެއްގައި ތެޔޮފޮދެއް ކާތާލުމަށްފަހު އެއަށް ފުށްގަނޑު އަޅާށެވެ.
• އަދި ތަވާ އުނދުނަށް އުދައި މަޑު ގިނީގައި ބޯކިބާ ފިހަން ފަށާށެވެ.
• ބޯކިބާގެ ދެފަރާތް ރަތްރޮށި ވަންދެން ބޯކިބައި ފުށުންޖަހައިގެން ފިހާށެވެ.
• ދެފަރާތް ރަތްތޮށިވުމުން ބޯކިބާ އެހުރީ ތައްޔާރުވެފައެވެ.
• ބޯކިބާ ކެވޭވަރަށް ހިހޫ ވުމުން ބިސްމި ކިޔައި ކާންފަށާށެވެ.